Entroido 2021

Este ano o PDI do centro está relacionado cos "Heroes enmascarados". Na etapa de Ed. Infantil decidimos investigar sobre os "Heroes da rúa", centrándonos cada aula nun deles. En 3 anos os superheroes elexidos foron os/as médicos/as, en 4 anos os/as bombeiros/as e en 5 anos os policías. 

Durante esta semana o alumnado realizou diferentes propostas relacionadas co ENTROIDO: antifaces con luz negra, elaboración dos disfraces para o desfile, concurso de máscaras, mandadiño enmascarado...

Aquí deixamos un pequeno resumo do traballo. Agardamos que desfrutedes!

Tamén deixamos o enlace ao blog "O recuncho de Tambo" con todo o traballo do alumnado do centro.

http://recunchodetambo.blogspot.com/2021/02/entroido-enmascarado.html

30 de xaneiro- Día da Non Violencia e da Paz.

Este ano festexamos esta data creando un muro con LADRILLOS DA PAZ que todo o alumnado do ciclo decorou empregando diferentes técnicas e materiais: na pantalla dixital (técnica graffiti), con témperas sólidas, debuxos, palabras...

Na clase de 5 anos estiveron investigando sobre o personaxe de Malala e fixeron un debuxo xigante de xeito cooperativo entre todos para decorar o corredor.

Tamén construimos a palabra PAZ traballando en equipo. Este foi o resultado!!

Como recordo dese día decoramos unhas pulseiras con palabras e mensaxes que moi contentos levaron para casa.

Aquí deixamos un video-resumo dese día no que participou todo o alumnado do centro. Esperamos que vos guste!

https://www.youtube.com/watch?v=EvDpkf-eGzE