3º SEMANA (MÉRCORES)

1.   Lembramos a importancia de lavar a cotío as nosas mans e para facelo máis divertido escoitamos a cantiga de Migallas - “Canción para lavar as mans”.

https://www.youtube.com/watch?v=EtVYkMXQ7rE

2.   Para comezar, hoxe imos elaborar a nosa propia botella sensorial, será única e moi orixinal.

           Materiais que precisamos:

•   botella transparente de plástico pequena.
•  aceite corporal de bebé.
•  auga.
•  purpurina.
•  colorante alimentario (se non dispoñemos de colorante podemos empregar témpera ou pintura   pero estes materiais poden deixar restos no fondo).
• algún xoguetiño pequeno.

Pasiño a pasiño:

1-     Enchemos dous terzos da nosa botella con auga.

2-     Engadimos o colorante alimentario e remexemos.

3-     Metemos os nosos xoguetiños dentro e botamos purpurina.

4-     Por último, engadimos o aceite corporal de bebé ata encher a botella.

MOI IMPORTANTE: unha vez que estea rematada a nosa botelliña sensorial podemos precintala na zona do tapón ou botarlle un pouquiño de silicona quente, sempre coa axuda dun adulto responsable.

*Durante a elaboración  da nosa botella sensorial poderiamos: contar o número de materiais que empregamos, escribilos nunha folla, facer unha secuencia dos pasos que realizamos…

3.  LÓXICA MATEMÁTICA: Facer SERIES atendendo a distintos criterios e con obxectos que pertencen a nosa vida cotiá.